четверг, 16 июня 2022 г.

პროექტი "დედამიწის შვილები"

 ყველა დიდი საქმე იდეით იწყება, მისი განხორციელება კი-დადებითი განწყობით, ენერგეტიკითა და თბილი გულებით, რომელთა დაკავშირებით დიდი ცეცხლი აგიზგიზდება. ცეცხლი, რომელიც კი არ გწვავს, არამედ გათბობს და სიკეთედ ეღვრება სამყაროს.

🎈💕
ეს ამბავი ასე დაიწყო!📚💕
ერთხელ, გაკვეთილზე, კონკრეტულ თემასთან დაკავშირებით, დაიბადა იდეა - შეგვესწავლა ჩვენს ქალაქში მცხოვრები არაქართველი მოსახლეობის ქვეყნების ისტორია- გეოგრაფია, კულტურა და ლიტერატურა, ტრადიციები და სამზარეულო. 🌎ამისათვის შპს ,, ფარნავაზის" მეშვიდეკლასელებმა მოიძიეს ინფორმაციები სომხეთის, აზერბაიჯანის, უკრაინის🇺🇦,თურქეთის,🇹🇷ისრაელის შესახებ. დაამზადეს პოსტერები. გადაწყვიტეს, თავიანთი ნაშრომი თანატოლებისათვის გაეზიარებინათ და მოიწვიეს მე-2 საჯარო სკოლის მერვეკლასელები (რუსული სექტორი).💜
ვალში არც მეორესკოლელები დარჩნენ და წარმოადგინეს, შესაბამისად, თავიანთი ქვეყნის ეროვნული სამოსი და სამზარეულო. აჟღერდა წარმოდგენილი ყველა ქვეყნის ჰიმნი.💖
პრეზენტაციების შემდეგ დააგემოვნეს კერძები. ფარნავაზელებმა ეს სასიამოვნო შეხვედრა ცეკვებითა და სიმღერებით გაალამაზეს.🎶💃
გულისამაჩუყებელი იყო მათი დამშვიდობება, იმდენად გულისამაჩუყებელი და შთამბეჭდავი, რომ ეს მომენტი ფოტოებზე ვერ აღვბეჭდე. სიყვარულმა, ურთიერთგაგებამ, მეგობრობამ სივრცე მოიცვა და გაარღვია.
როგორია შთაბეჭდილები?!
ორივე სკოლის მოსწავლეები აღნიშნავენ, რომ ერთმანეთს დაუმეგობრდნენ, მიუხედავად ეროვნებისა, სარწმუნოებისა და შეხედულებების სხვადასხვაობისა, ბევრი რამ ისწავლეს და გაიგეს და გაუჩნდათ სურვილი, რეალურად ნახონ ის ადგილები, რომლებზეც ასე საინტერესოდ ისაუბრეს.
დაე, მუდამ სუფევდეს ეს განწყობა, სიმშვიდე, სიყვარული და ჰარმონია სამყაროში.
💕💕💕💕💕💕💕💕
მადლობა, სკოლის დირექტორებს- ქალბატონ მადონა ოქროპირიძეს ( შპს , ,ფარნავაზი") და ქალბატონ ნანიცივაძეს ( ქობულეთის N 2 საჯ. სკოლა) მხარდაჭერისთვის. მადლობა, ბექა გოგუაძეს -სულ ბავშვებთან იყო. გვეხმარებოდა ყველაფერში, ტექნიკურად, მორალურად, ადამიანურად. მადლობა, მშობლებს, ნდობისთვის.
მადლობა, ბავშვებო, თანამშრომლობისთვის!🏴󠁧󠁢󠁥󠁮󠁧󠁿











Комментариев нет:

Отправить комментарий